Comunu de Pramantellu Ofìtziu de sa Lìngua Sarda

:: Su Gonfaloni

 

Sa corona de pitzus, una corona de turris, est po fai biri is murus chi ingiriant su logu innui biviat sa comunidadi.

Is duus lionis a faci e pari, chi portant sa P de Pramantellu in is francas, sinnalant chi sa bidda de Pramantellu fiat parti de su Ducau de Mandas e su lioni est sinnu de fortza e de balori.

 

Mancai no cumpàrgiat in su stema candu est a solu, in su gonfaloni de su Comunu, a bàsciu de is cambixeddus de folla, su disinnu sighit cun d-una feta de sinnus giomètrigus antigus.

Funt is pròpius sinnus chi ant agatau in pitzus de s’intrada de una de is domus de janas de Corongiu, in su sartu de Pramantellu etotu.

Si pentzant chi custu disinnu siat unu schema de dea mama, cun is spiralis chi funt is ogus e e s’elementu strantaxu su nasu.

A manu manca e a manu dereta is duas partis a zig zag iant a essi scafas, cumenti chi nci depessint portai s’ànima in d-unu atru mundu.

 

Custu disinnu ddu teneus in Itàlia nosu sceti  e dd’eus pòtziu ponni ca espressat s’arti de una comunidadi chi biviat innoi de diora meda, de su de cuatru sèculus innantis de Gesugristu.