Comunu de Pramantellu Ofìtziu de sa Lìngua Sarda

:: Manifestadas

 

Is manifestadas prus de importu funt is de sa Madonna de su Cramu a metadi de su mesi de argiolas, e sa de su Cramixeddu, su primu lunis de su mesi de cabudanni, candu boleus arregordai s’acabu e s’incumentzu de is àutus de traballu de is giorronaderis e de is pastoris. In prus feus sa Festa de s’Acòrdiu puru, s’ùrtimu sàbudu de austu.
 
 
A pustis de su ‘900 su costùmini antigu no ddu ant portau prus. Su bistiri de is fèmias fiat cumpostu de su giponi de seda niedda abrodau a pungitus a puntu fanu chi cumprendit filus de oru, prellixeddas puru, de una gunnedda de colori arrùbiu e blau, atavellada meda, ca serbiant metrus medas de arroba. Sa camisa fiat de tela arba, invècias su devantali e su sciallu fiant abordaus totus a manu. Su cossu fiat una cosa spantosa, fatu de brocau cuncordau de fius de oru, prellixeddas e fetixeddas, tiraxeddas coloradas o de belludu bonu.